បង្កើតវិបសាយ WordPress សម្រាប់អ្នកមិនចេះកូដ

មុននឹងចូលទៅរៀនបង្កើតវិបសាយ អ្នកគាប់បីស្វែងយល់ពីមូលដ្ឋានគ្រឹះនៃដំណើរការរបស់អ៊ីនធើណេត ក៏ដូចជាវិបសាយបន្តិចសិន។

ក្នងជីវភាពប្រចាំថ្ងៃអ្នកទាំងអស់គ្នា បានរស់នៅជាមួយអ៊ីនធើណេត និងប្រើប្រាស់វិបសាយ ជាច្រើនដោយមិនដឹងខ្លួន ដូចជាមើលវីដេអូតាមយូធូប YouTube អូសទូរសព្ទមើលហ្វេសប៊ុក តីកតុក និងការរៀនមេរៀននេះតាមវិបសាយរបស់សហគមន៍ខេមផើសខេអេចជាដើម តើអ្នកមានចាប់អារម្មណ៍ឆ្ងល់ទេថា តើវិបសាយទាំងនេះដំណើរការបានដោយរប្រៀបណា? តើទិន្នន័យនៃវិបសាយនោះមកដល់អ្នកយ៉ាងដូចម្តេច ទើបបញ្ចូនទិន្នន័យមកកុំព្យូទ័ររបស់អ្នកមិនច្រឡំបញ្ចូនឲ្យអ្នកផ្សេង ដែលប្រើប្រាស់អ៊ីនធើណេត ឬ WIFI រួមគ្នា? ហេតុអ្វីពេលខ្លះវិបសាយខ្លះ ដើរលឿន វិបសាយខ្លះចំណាយពេលយូមែនទែនមុននឹងចេញទិន្នន័យពេលលេញមកបង្ហាញក្នុងអេក្រង់របស់យើង? យើងនឹងប្រើជំពូកមេរៀននេះដើម្បីពន្យល់ពីចំនុចទាំងនេះ ដើម្បីឲ្យអ្នកប្រាស់ប្រាស់ជាទុនក្លាយអ្នកអាជីពខាងផលិតនិងរចនាវិបសាយ។

ទិន្នន័យ Data ដែលអ្នកទាំងអស់គ្នាទទួលបានលើអ៊ីនធើណេតភាគច្រើនជា អក្សរ សំលេង រូបភាព និងវិដេអូ​ជាដើម។ តើកម្មវិធីរុករកអ៊ីនធើណេត (Internet Browser) បង្ហាញទិន្នន័យទាំងនេះមកអេក្រង់កុំព្យូទ័ររបស់អ្នកដោយរបៀបណា? ទំហំទិន្នន័យខ្លះដូចជាវីដេអូមានទំហំធំណាស់ តែអ្នកអាចបើកដំណើរការវីដេអូនេះបានទោះបីជាកំព្យូទ័ររបស់អ្នកមិនទាន់ទាញយកឯកសារនេះពេញ១០០%ក៏ដោយ។ ហើយនៅពេលខ្លះវិបសាយខ្លះ គឺត្រូវចំណាយពេលយូមែនទែនមុននឹងបង្ហាញរូបរាងពេញលេញមកអ្នក។ តើអ្នកមានឆ្ងល់ទេថាហេតុអ្វី?

នៅវគ្គនេះយើងនឹងបង្ហាញអ្នកអំពីធាតុផ្សំសម្ខាន់ៗដើម្បី បង្កើតវិបសាយ WordPress មួយបាន។ ហើយអ្នកត្រូវចំណាយលើអ្វីខ្លះ និងវគ្គបន្ទាប់យើងនិងបង្ហាញពីវិធីតម្លើងវិបសាយ WordPress នៅលើកុំព្យូទ័ររបស់អ្នកដោយពុំចាំបាច់ចំណាយលើ ថ្លៃ Server សម្រាប់តំណាក់កាលរៀនបណ្តុះអាសន្នដោយមិនទាន់ចង់ចំណាយថវិការលើវិបសាយនេះ ជាពិសេសប្អូនសិស្សានុសិស្ស។